Медиа салбарын алдартан Байрон Аллен McDonald’s компанийг бизнесийн шийдвэр гаргахдаа арьс өнгөөр ялгаварладаг хэмээн шүүхэд мэдүүлж 10 сая ам.доллар нэхэмжиллээ.

Аллен тус компанийг иргэний эрхийн тухай хууль зөрчсөн хэмээн батлахаар оролцож байгаа бөгөөд “Эдийн засгийн ялгаварлан гадуурхалт нэн даруй зогсох ёстой” хэмээн өгүүлсэн юм. McDonald's компани нь зар сурталчилгааны зардалдаа жил бүр 1.6 тэрбум орчим ам.доллар төсөвлөдөг бөгөөд үүний ердөө 5 сая ам.долларыг Африк гаралтай америк иргэний эзэмшдэг хэвлэл мэдээллийн хэрэгсэлд зарцуулдаг хэмээн Аллен буруутгаж байна. Түүний цаг агаар, хошин шогийн сувагт мөн адил сурталчилгаа нийлүүлэхээс татгалзсан гэв.

Харин хариуцагч талд ажилладаг, Ерөнхийлөгч асан Обамагийн хуульч асан Лоретта Линч “Түүний нэхэмжлэлд арьс өнгөөр ялгаварласан асуудал огт хамаагүй. Энэ бол цэвэр орлого, мөнгөний тухай маргаан. Нэхэмжлэгч тал үндэслэлгүй мэдэгдэл хийж байна” гэв.

McDonald's-ийн эсрэг 2020 болон 2021 онуудад өнгөт арьст франчайз эзэмшигчдийг гадуурхдаг хэмээн шүүхэд хэрэг үүсэж байсан билээ.

Эх сурвалж: Business Insider