Орос Украин руу довтолсны улмаас Египетийн эдийн засаг хүнд байдалд ороод байна. Тиймээс тус улс төрийн өмчит аж ахуйн нэгжүүдийнхээ хувьцааг борлуулах замаар 2023 оны зургаадугаар сараас өмнө 6 тэрбум ам.доллар босгох хөтөлбөр эхлүүлж байна.
Хөтөлбөрийн хүрээнд хувьцааг олон нийтэд нээлттэй арилжихын зэрэгцээ стратегийн хөрөнгө оруулагчдад багцаар нь санал болгох бөгөөд төрийн сангаас дэмжлэг үзүүлнэ хэмээн Египетийн Төлөвлөлтийн сайд Хала Элсаид хэллээ. Тэрбээр хувьчлагдах компаниудын жагсаалтыг зарласангүй. Египет улс гадаадын хөрөнгө оруулагчдыг татахыг хичээхийн зэрэгцээ Олон улсын валютын сантай шинэ зээлийн хэлэлцээр хийж байна. Энэ оны гуравдугаар сараас хойш Египетийн өрийн зах зээлээс 22 тэрбум ам.доллар гарчээ. Хувьчлалын тухай шинэ мэдээллийг Zangia News шуурхай хүргэх болно.
Эх сурвалж: Bloomberg