Даваа гарагт Их британи улсын үндэсний мөнгөн тэмдэгт болох фунт стерлингийн ам.доллартой харьцах ханш бүх цаг үеийн хамгийн сул үзүүлэлтэд хүрчээ.
Тодруулбал, фунтийн ам.доллартой харьцах ханш 1971 онд Их Британи улс фунт, шиллинг, пенсийн хуучин мөнгөний системийг шинэчилж, аравтын тоот зоосоор сольсноос хойших хамгийн муу үзүүлэлтэд хүрээд байгаа юм.
Улмаар Ази тив дэх өглөөний арилжааны үеэр фунтийн ам.доллартой харьцах ханш даруй 4 хувиар унаж, 1.0327ам.долларт хүрч, буцаж өсөн 1.05 ам.долларт тэнцсэн байна.
Фунтийн ам.доллартой харьцах ханш ийн унасныг BBC агентлагийн зүгээс Их Британийн канцлер Кваси Квартенг иргэд, аж ахуй нэгжид ногдуулах татварыг үлэмж хэмжээгээр бууруулсантай холбосон юм.
Гэвч фунт стерлингийн ханш ийн суларч байгаа нь АНУ-ын Холбооны Нөөцийн сан бодлогын хүүгээ эрчимтэй өсгөж байгаатай холбоотой ажээ.
Эх сурвалж: BBC