ОХУ-ын цөмийн эрчим хүч, өндөр технологийн бүтээгдэхүүнээр мэргэшсэн “Росатом” корпорацын гүйцэтгэх захирал Алексей Лихачев өнөөдөр буюу есдүгээр сарын 26 өдөр Олон улсын атомын энергийн агентлагийн 66 дугаар чуулга уулзалтын үеэр үг хэллээ.
Тэрбээр “Олон улсаас тавьсан хориг арга хэмжээний урьд өмнө тохиож байгаагүй их хэмжээний дарамтыг үл харгалзан бид гэрээгээр хүлээсэн бүх үүргээ биелүүлж байна. Росатом компанийн нэг ч төсөл зогсоогүй" хэмээн цохон тэмдэглэв.
“Росатом” компани нь олон улсад атомын цахилгаан станц барих төслийн тоогоор дэлхийд тэргүүлдэг. Одоогийн байдлаар тус компани нийт 35 атомын станцын төсөл хэрэгжүүлж байна. Түүнчлэн ураны хайгуул, олборлолт, уран судалгааны төв байгуулах зэрэг үйл ажиллагааг олон улсад эрхэлдэг юм. Компанийн зүгээс мэдээлснээр 2021 онд нэгдсэн дүнгээр 140 орчим тэрбум ам.доллартой тэнцэх 10 жилийн хугацаатай гадаад захиалгын гэрээнүүд байгуулжээ.
Эх сурвалж: ТАСС