Том хэмжээтэй солир дэлхийг мөргөхөөс сэргийлэхийн тулд хэр их хүчин чармайлт гаргахыг туршиж үзэх зорилгоор NASA-аас Dart төслийг эхлүүлжээ.
Тус төслийн хүрээнд NASA-ийн төхөөрөмж өдгөө дэлхийгээс 11 сая километр алсад оршин буй Dimorphos хэмээх солирыг очиж мөргөх аж. Мөргөлдөөн Улаанбаатарын цагаар маргааш буюу есдүгээр сарын 27 өдрийн өглөө 7:14 минутад болно. Үйл явдлыг ажиглах олон тооны телескоп ажиллаж буйн дотор алдарт Жеймс Уэбб супер телескоп багтаж байна. NASA-ийн төхөөрөмж нэг цагт 20,000 километрээс дээш хурдтай хөдөлж буй 160 метр өргөнтэй Dimorphos солирыг мөргөн чиглэлийг нь өөрчлөх юм.
Сансар судлаачид тус солир дэлхий рүү чиглээгүй бөгөөд мөргөлдөөний улмаас хэлтэрхий үүссэн тохиолдолд тэрхүү хэлтэрхий нь дэлхийг онох боломжгүй хэмээн санууллаа.
Эх сурвалж: BBC
мэдэхгүй юм даа, дэлхий гариг маань өөрөө амьтай, хүмүүс бид дээр нь амьдарч байгаа оун ухаант төрөлтөн. Эх дэлхий сансар огторгуй, орчлон ертөнцтэй шүтэн барилдлагатай. Сөнөх болбол бид юу ч хийгээд нэмэргүй ш дээ. байдлыг улам дордуулчих вий