АНУ-ын Төрийн департамент Украины засгийн газарт 457.5 сая ам.долларын нэмэлт тусламж өгөхөө мэдэгдлээ.
Тус улсын Төрийн нарийн бичгийн дарга Энтони Блинкен орон нутгийн цагаар 26-ны өдөр мэдэгдэл хийхдээ "Оросын харгис түрэмгийллийн эсрэг ардчилал, ард түмэн, үнэт зүйлсээ хамгаалахын төлөө хичээж буй хууль сахиулах үйл ажиллагаанд дэмжлэг үзүүлэх зорилгоор Украины засгийн газарт энэ удаагийн дэмжлэгийг үзүүлж байна” хэмээн цохон тэмдэглэв.
Энэхүү мөнгөн тусламжийг Оросын талын өдүүлж буй харгис хэрцгий үйлдлийг мөрдөн шалгах, бүртгэх, яллахад зарцуулахаар төлөвлөж байна хэмээн Төрийн департамент онцолсон байна.
АНУ-ын Төрийн департаментын мэдээлснээр, тус улсын засгийн газар өнгөрсөн оны арванхоёрдугаар сараас хойш Украины хууль сахиулах байгууллагуудад нийт 645 сая ам.доллар олгоод байгаа аж.
Оросын армийн хяналтанд ороод буй бүс нутгуудаа чөлөөлөх довтолгоог Украины тал амжилттай хийж буйтай холбоотойгоор АНУ-ын зүгээс ихээхэн хэмжээний цэргийн тусламжийг үзүүлсээр байгаа ба ОХУ цөмийн зэвсэг хэрэглэж болзошгүйд санаа зовниж байгаагаа нэг бус удаа илэрхийлээд байгаа билээ.
Эх сурвалж: MBC
Украй гэж байхгүй болсон нь үнэн
Украйн.ану.ыннэг.муж.болчихсон.юм.бишүү
Энэ Америкийн бодлого Зеленский нар Европийн үгүй хийлээдээ . Укерианд гэж улс аль хэзээний үгүй болсон . Харь хүнээр удирдуулсан ийм л болдог гэдэгийг яруу тодоор харууллаа