Шри Ланка улсын Нийтийн аж ахуйн зохицуулах хорооны дарга Жанака Ратнаяке цахилгааны хязгаарлалтын хугацаа уртассаныг цахилгаан станцад чанар муутай газрын тос ашигласантай холбон тайлбарлажээ.
Түүний хэлж байгаагаар импортолж авсан газрын тос хэт хүхэрлэг учир ийм үр дүнд хүрч байгаа гэнэ.
Гэвч түүний энэ мэдэгдлийг тус улсын Эрчим хүчний сайд эрс няцаасан байна.
Шри Ланка улсын хувьд урьд эрчим хүчний хямралаас үүдэн өдөрт 80 минут цахилгааны хязгаарлалт хийж байсан бол өнгөрсөн долоо хоногт тус хугацаа уртсаж, өдөрт 140 минут цахилгаан хязгаарлах болжээ.
Ноён Ратнаякегийн анхааруулж байгаагаар цахилгаан станцад шатаах газрын тос хүхрийн агууламж ихтэй байх нь станц хийгээд хүрээлэн буй орчинд сөрөг нөлөөтэй гэсэн юм.
Харин түүний энэ мэдэгдлийн хариуд тус улсын Эрчим хүчний сайд Канчана Вижесекера, “Цейлон газрын тосны корпорацаас хууль ёсны хариуг өгөх болно” хэмээн мэдэгджээ.
Ноён Вижесекерагийн үзэж байгаагаар цахилгаан хязгаарлалтын хугацаан уртсах болсон нь усан цахилгаан станцуудын нэгд гэмтэл гарч, хангалттай хэмжээний газрын тос импортлох хөрөнгө байхгүйтэй холбоотой гэсэн юм.
Эх сурвалж: BBC