“Умардын урсгал-2” хийн хоолойгоос Балтын тэнгист хий алдсан тухай Данийн эрчим хүчний яамнаас мэдээллээ. Улмаар тэнгисийн тээврийн салбар эрсдэлтэй байдалд орсон тул хий алдаж буй цэгээс есөн километр радиус дотор зорчих хөдөлгөөнийг хоригложээ.

Хий шөнө алдагдаж эхэлсэн байна. Nord Stream 2-ийн зүгээс “Умардын урсгал 2 хоолойн А шугамд хийн даралт эрс унаж буйг диспетчер мэдсэн” гэв. Улмаар Данийн засгийн газарт мэдээлснээр орон нутгийн цагаар Даваа гарагийн өглөө хий алдагдсан Борнхольм арлын ойр орчимд хөл хорио тогтоожээ. “Хориотой бүсээс гадуур ямар нэг эрсдэл байхгүй бөгөөд Данийн хийн хангамжийн аюулгүй байдалд ямар нэг сөрөг нөлөө үзүүлэх төлөв харагдахгүй байна” гэж Данийн зүгээс мэдэгдлээ.

ОХУ-аас Герман руу хий нийлүүлэх зорилгоор баригдсан тус хоолой хэдийгээр ажиллахгүй байгаа боловч хориг арга хэмжээнээс өмнө шахаж байсан хийн үлдэгдлийг агуулсан хэвээр байгаа юм. Тэрхүү хий агаар мандалд тарсан байх магадлал байгаа тул хяналт шалгалтын ажлыг үргэлжлүүлж байна.

Эх сурвалж: BBC