Канад улс ирэх сарын нэгнээс эхлэн коронавирустэй холбоотой аяллын хязгаарлалтуудаа бүгдийг нь цуцлах болжээ. Улмаар тус улс руу аялагчид коронавирусийн вакцинд хамрагдсан баримт бичиг үзүүлж, шинжилгээ өгч, өөрийгөө тусгаарлаж, хорио цээрийн дэглэх сахих хэрэггүй болох юм.
Мөн түүнчлэн аялагчид галт тэрэг болон агаарын тээвэрт амны хаалт зүүх шаардлагагүй болж байгаа гэнэ.
Тус улсын Эрүүл мэндийн сайд Жан-Ив Дуклогийн хэлснээр Канад улс дахь коронавирусийн нөхцөл байдал цар тахал анх эхэлж байсан үетэй харьцуулахад хавьгүй дээрдсэн бөгөөд улсын нийт хүн амын 82 хувь нь вакцинжуулалтад бүрэн хамрагдсан гэсэн юм.
Өдгөө Канад улсад коронавирусээс үүдэн өдөрт 32 орчим хүн нас барж байгаа ба вирусийн тархалт өсөж байгаа нь дотоод дахь халдвартай холбоотой гэнэ. Тиймээс албаныхны зүгээс тавьсан хязгаарлалтуудаа цуцлах шийдвэр гаргасан байна.
Харин Оттава хотын хувьд дотоод дахь халдвар өндөр бүртгэгдвэл хязгаарлалтыг цуцлах эсэхийг өөрсдөө шийдэх ажээ.
Эх сурвалж: BBC