Энэ онд БНХАУ-ын эдийн засгийн өсөлт сүүлийн 30 гаруй жилийн хугацаанд анх удаагаа бүс нутгийн хөгжиж буй орнуудын дунджаас доогуур байх төлөвтэй байна.

Wall Street Journal сонинд тэмдэглэснээр, Дэлхийн банкны зүгээс Зүүн Ази, Номхон далайн бүс нутгийн хөгжиж буй орнуудын эдийн засгийн нөхцөл байдлын тайланд энэ оны эдийн засгийн өсөлтийн төлвийг урьдчилан таамагласан байна.

Тодруулбал Ази-Номхон далайн бүс нутгийн хөгжиж буй орнуудын эдийн засгийн дундаж өсөлт энэ онд 3.2 хувь байх төлөвтэй байгаа аж.

Ингэснээр хамгийн сүүлийн буюу өнгөрөгч дөрөвдүгээр сард гарсан тайланд дурдсан 5 хувийн таамгийг бууруулсан хэрэг бөгөөд гол шалтгаан нь Хятадын эдийн засгийн өсөлт удааширч буйтай холбоотой аж.

Хятад улсын хувьд 1990 оноос хойш анх удаа эдийн засгийн өсөлтөөрөө хөрш орнуудаасаа хоцорч буй нь энэ юм.

Дэлхийн банкны үзэж буйгаар тус улс нь цар тахлын дэгдэлттэй холбоотойгоор маш чанд хатуу бодлого хэрэгжүүлсэн нь аж үйлдвэрлэл болон дотоодын эрэлтийг бууруулж, экспортыг тасалдуулж, орон нутгийн үл хөдлөх хөрөнгийн зах зээлийн хямралыг улам хурцатгасан гэж дүгнэжээ.

Эх сурвалж: YTN