Япон улс ирэх сараас визгүй зорчигчид хүлээн авах болсноор Солонгос улсын гурван том авиакомпани тус улс руу үйлдэх нислэгийнхээ тоог дор хаяж хоёр дахин өсгөх болжээ.
Өмнөд Солонгос улсын үндэсний агаарын тээвэрлэгч Кореан Эйр компанийн хувьд л гэхэд өдгөө Япон улс руу долоон хоногт 28 нислэг үйлдэж байгаа бол аравдугаар сарын сүүлээс эхлэн тус улс руу долоо хоногт 60 нислэг үйлдэх болж байгаа юм. Ингэснээр нэг өдөрт Солонгос-Япон-Солонгос чиглэлд Кореан Эйр компанийн 2 нислэг зорчих гэнэ. Үүнээс гадна тус авиакомпанийн өвлийн хуваарь мөрдөгдөж эхлэхэд Инчеон-Нагоя, Пусан-Нарита чиглэлийн нислэг ч нэмэгдэх төлөвтэй байгаа ажээ.
Кореан Эйр авиакомпаниас гадна Солонгосын Азияна Эйрлайнс ч Япон улс руу үйлдэх нислэгийнхээ тоог нэмэх болсон бөгөөд өдгөө долоо хоногт 22 нислэг үйлдэж байгаагаа 32 нислэг болгох болсон байна.
Мөн группээр аялагч нарын сонгох дуртай Эйр Пусан авиакомпани ч Пусан-Фукоука, Пусан-Кансай чиглэлд өдөрт 2 нислэг үйлдэх болжээ.
Үүний үр дүнд Солонгос-Япон улсын хооронд үйлдэгдэж буй нийт нислэгийн тоо даруй 2.6 дахин өсөх юм.
Эх сурвалж: Nikkei Asia