Лхагва гарагт хятад юанийн ам.доллартой харьцах ханш унаж, бүх цаг үеийн доод хэмжээнд хүрлээ. Тодруулбал, 2011 онд БНХАУ юанийн интернационализм хэрэгжүүлснээс хойш бүртгэгдсэн хамгийн доод үнэлгээ нь энэ ажээ.
Өнөөдрийн байдлаар олон улсын зах зээлд нэг ам.долларыг 7.23 юаниар худалдан авч байна.
Юанийн ам.доллартой харьцах ханш ийн унасан нь АНУ-ын Холбооны Нөөцийн сангаас бодлогын хүүгээ эрчимтэй өсгөж байгаатай холбоотой юм. ХНС-аас энэ сарын эхэнд бодлогын хүүгээ дахин 75 суурь нэгжээр өсгөснөөс улбаалан дэлхий дахинаа ам.долларын ханш чангарч, ам.доллартой харьцах валютуудын ханш суларсан.
Улмаар лхагва гарагт Ази тив даяар хувьцааны зах зээлийн индекс унаж, Японы Никкей, Хонконгийн Хан Сэн, Өмнөд Солонгосын Коспи индексүүд тус, тус 2-оос илүү хувиар унасан байна.
Үүнээс үүдэн хөрөнгө оруулагчид ам.долларыг хамгийн найдвартай валютад тооцох болсон юм.
Одоогийн байдлаар Хятад улсын зүгээс гадаад валют арилжааны зах зээлд шууд хөндлөнгөөс оролцох төлөвлөгөө танилцуулаагүй байна.
Эх сурвалж: BBC