Дэлхийн хамгийн урт нислэг Нью-Йоркоос Окленд хот хүртэл 17 цаг 35 минут үргэлжилдэг. Тус нислэгийг Boeing Co компанийн бүтээсэн Dreamliner нисэх онгоцоор Air New Zealand авиа компани үйлдэж байна.
Гэвч өчигдөр салхины эрч өндөр байсан тул зарим зорчигчоо нисэх буудал дээр үлдээхээс өөр аргагүй болсон хэмээн Air New Zealand мэдээллээ. Мөн зарим ачаа тээшийг орхисон байна. Улмаар шатахуунаа нэмэх боломж бүрдсэн ажээ. Улмаар хоёр жил төлөвлөсний эцэст үйлчилгээнд гарсан Dreamliner онгоц нэг сар ч өнгөрөөгүй байхад хүчтэй салхины улмаас нислэгээ цуцалсан нь олон нийтийн дунд аюулгүй байдлын асуудлаар эргэлзээ төрүүлж эхлээд байна.
Харин аюулгүй байдлын ахлах ажилтан Дэвид Морган “Улирлын чанартай салхи Хойд Америкт мэдэгдэхүйц өндөр байгааг олж мэдсэн. Тиймээс нислэг тооцсон хугацаанаас илүү удаан үргэлжлэх нь тодорхой болсон. Тиймээс бид түлшээ нэмэх үүднээс зарим зорчигчийг буулгасан. Улмаар зорьсон газраа амжилттай хүрсэн” хэмээн тайлбарлалаа. Таагүй цаг агаарын улмаар 65 зорчигчийг үлдээн, 15 зорчигчийг өөр нислэгт шилжүүлжээ.
Эх сурвалж: Bloomberg