АНУ-ын Калифорни мужид шатахууны үнэ өдрөөс өдөрт өсөж, энэ жилийн дээд цэгтээ хүрэхэд тун ойрхон болжээ.
АНУ-ын Автомашины Холбооны (AAA) 1-ний өдөр мэдээлснээр, Калифорни мужид шатахууны дундаж үнэ 1 галлон (3,78 литр) нь 6.358 ам.долларт хүрсэн болохыг онцлов.
Энэ нь өмнөх өдрөөс 0.065 ам.доллароор өссөн үзүүлэлт бол сарын өмнөхтэй харьцуулахад 1.106 ам.доллароор өссөн хэрэг юм. Түүнчлэн жилийн өмнөх үетэй харьцуулахад бараг хоёр ам.доллароор нэмэгдсэн бол өнгөрөгч 6-р сарын 14-нд 6.438 ам.долларт хүрч дээд амжилт тогтоож байсантай тун ойртож очоод байна.
Ингэснээр тус улсын 50 мужид дунджаар 1 галлон шатахуун 3.8 ам.доллар байгаатай харьцуулахад 67 хувиар их байгаа бол шатахууны үнэ хамгийн хямд байдаг Техасаас мужаас хоёр дахин, Нью Йорк мужаас 1.5 дахин их байгаа юм.
Калифорнид ийнхүү шатахууны үнэ өсөх болсон шалтгаан нь АНУ-ын зүүн өмнөд хэсгийг дайран өнгөрч буй Иан хар салхи болон мужийн хэмжээнд газрын тос боловсруулах үйлдвэрт засвар үйлчилгээ хийж байгаатай холбоотой гэж дүгнэжээ.
Эх сурвалж: YTN