Хиймэл оюун ухааны технологид суурилсан урлагийн салбар шинээр үүсэж байна. Тус салбарын хөгжлийг дахин нэг алхам урагшлуулсан технологийг Meta компанийн машин сургалтын салбараас танилцууллаа.
Тэрхүү Make-A-Video хэмээх хэрэгсэл нь иргэдийн бичсэн текстийг видео бичлэг болгон хувиргадаг. Одоогийн байдлаар Make-A-Video ашиглан бүтээсэн видео клип нь дуугүй, таван секунд хүртэл үргэлжлэх урттай байна. Гэвч тус үзүүлэлтүүд яг одоо ч сайжирсаар байгаа тул тун удахгүй урт хугацааны видеог үсгээр бичих боломжтой болно.
Хиймэл оюун ухааны урлагийн салбарт тулгарч буй олон бэрхшээл Make-A-Video хэрэгслийг мөн дайрах нь тодорхой юм. Уран бүтээлчдийн ажлын байрыг булаах, урлагийн ёс зүй, зохиогчийн эрхийн асуудал, бодит хүмүүсийн тухай хуурамч видеог бүтээн зөвшөөрөлгүй нийтлэх зэрэг олон эрсдэл, шийдвэрлэх шаардлагатай тулгамдсан асуудал бий. Нэгэнт өөрөө суралцах технологи учир Make-A-Video нь бусад хиймэл оюун ухааны нэгэн адилаар нийгэмд хортой зүйл сурах боломжтой гэж Meta танилцуулгадаа дурдсан байна.
Эх сурвалж: Meta, Morning Brew