Даваа гарагт Их Британийн канцлер Кваси Квартенг татварын бодлогын хүрээнд гаргасан шийдвэртээ огцом эргэлт хийснээр фунтийн ханш өсөх болжээ. Улмаар мягмар гарагийн өглөө гэхэд фунтийн ам.доллартой харьцах ханш 1 бүхэл хувиар өсөж, 1.3 ам.доллартой тэнцсэн байна.
Канцлерын хувьд жилийн 150,000 фунтээс дээш орлоготой хүмүүст ногдуулах татварын хэмжээг 45 хувиас 40 хувьд хүргэхээр төлөвлөж байсан ч Торигийн гишүүд түүний шийдвэрийг дэмжээгүй тул тэрээр даваа гарагт тус шийдвэрээсээ буцсан юм. Гэвч түүний танилцуулсан татварын бусад шийдвэр хэрхэх нь одоогоор тодорхойгүй байгаа ажээ.
Улмаар тус улсын Төсвийн судалгааны хүрээлэнгээс мэдэгдсэнээр өндөр орлоготой иргэдэд ногдуулах татварыг танахгүй байх шийдвэр нь зах зээлийн эмх замбараагүй байдлыг намжааж болох ч бусад төрлийн татвараас танан бүрдүүлэх байсан 43 тэрбум фунтийг хаанаас, хэрхэн олж, төсвөө санхүүжүүлэх нь одоо ч тодорхойгүй байгаа тул зах зээлийн байдлаар замбараагүй хэвээр байна гэжээ.
Эх сурвалж: BBC