Өмнөд Солонгосын Naver компани Poshmark онлайн дэлгүүрийг 1.2 тэрбум ам.доллароор худалдан авчээ. Талуудын тохиролцсоноор тэд компанийн нэгж хувьцааг 17.9 ам.доллароор үнэлсэн байна. Улмаар Naver Poshmark платформын эздэд бүх мөнгийг бэлнээр олгох болжээ.
Тийнхүү мэдээлэл түгсэн даруй Poshmark платформын хувьцаа 14 хувиар өссөн юм.
Poshmark компанийн гүйцэтгэх захирал Маниш Чандрагийн хэлснээр компанийг зарснаар тэд үйл ажиллагаагаа өргөжүүлж, дэлхийн зах зээлд өрсөлдөхөд нь хувь нэмэр оруулах гэнэ.
Худалдан авалтын ажил дууссан хойно Poshmark Naver компанийн АНУ дахь охин компани болох юм. Харин удирдлагын хувьд Маниш Чандра гүйцэтгэх захирал хэвээр үлдэх ажээ.
Эх сурвалж: CNN