Мягмар гарагт Дэлхийн Банкнаас мэдэгдсэнээр дайнд нэрвэгдсэн Украин улсын эдийн засаг энэ онд 35 хувийн бууралттай байх болно гэжээ. Учир нь ОХУ-ын Украинд өдүүлсэн дайн тус улс дахь олон үйлдвэр, тариалангийн талбайг сүйтгэж, сая сая украинчуудыг оршин суугаа газраа өөрчлөхөд хүргэсэн юм.
Дэлхийн Банкнаас тооцоолж байгаагаар Украин улсыг сэргээн босгоход дор хаяж 349 тэрбум ам.доллар шаардагдах бөгөөд энэ нь дайнаас өмнөх Украин улсын эдийн засгийг 1.5 дахин өсгөсөн мөнгө гэнэ.
Үйл явдлын хүрээнд Дэлхийн Банкны Европ, Төв Азийн бүсийг хариуцсан салбарын дэд ерөнхийлөгч Анна Бьердэгийн хэлснээр, “Украин улс дахь дайн дажин одоо ч үргэлжилж байгаа тул тус улсыг сэргээн босгох ажил болон бүтээн байгуулалтыг сэргээх төслүүдэд үлэмж хэмжээний санхүүгийн тусламж шаардагдсаар байгаа” гэжээ.
Гэхдээ Дэлхийн Банкны энэ удаагийн таамаглал нь тэдний зургаадугаар сард танилцуулж байсан урьдчилсан тооцооноос хавьгүй өссөн байна. Тодруулбал, зургаадугаар сар тэд Украин улсын эдийн засгийг энэ онд 45.1 хувийн уналттай байна гэж таамаглаж байжээ.
Тийнхүү Дэлхийн Банкны зүгээс Украин улсын эдийн засгийг ирэх онд эргэн өснө гэж таамагласан бол ОХУ-ын эдийн засгийг 2022, 2023 онуудад дан бууралттай байна гэж тооцсон юм.
Эх сурвалж: AP News