Лхагва гарагт ОХУ-ын АНУ-д суугаа элчин сайд Анатолий Антоновын хэлснээр Вашингтоны зүгээс Киев хүнд зэвсэг нийлүүлэхээ үргэлжлүүлэхээр шийдсэн нь тэднийг мөргөлдөөнийг оролцогч тал болохыг баталж байгаа юм гэжээ.

Түүний хэлснээр, “АНУ-ын удирдлагын зүгээс Киевийг хүнд зэвсгээр хангах шийдвэр гаргасан нь ердөө Вашингтоны мөргөлдөөнд оролцогчийн статусыг баталж байна.

Бидний хувьд тэдний энэ үйлдлийг манай улсын стратегийн эрх ашигт шууд заналхийлж байгаа хэрэг гэж үзнэ.

АНУ хийгээд тэдний холбоотнуудын цэргийн хангамж нь илүү их цус урсгаж, илүү олон хүн амиа алдахад хүргээд зогсохгүй Орос болон барууны орнуудын хооронд шууд цэргийн мөргөлдөөн үүсэх аюулыг улам нэмэгдүүлж байгаа юм.

Тиймээс манай улсын зүгээс Вашингтоныг одоо гараад буй үр дагавраас ч илүү хүнд үр дагаварт хүргэж болох өдөөн хатгалга бүхий үйлдлээ зогсооход уриалж байна” гэсэн юм.

Эх сурвалж: ТАСС