Credit Suisse хөрөнгө оруулалтын банк Швейцарын Цюрих хотын Прадеплаз бизнес, санхүүгийн төв дүүрэгт байрладаг алдарт Savoy зочид буудлаа худалдахаар шийдсэн хэмээн Пүрэв гарагт мэдээллээ.

Тус банк дэлхийн үл хөдлөх хөрөнгийн стратегидаа нийцүүлэн үл хөдлөх хөрөнгийн багцаа тогтмол хянан шинэчилж байдаг. Энэ хүрээнд “Savoy зочид буудлыг борлуулахаар шийдсэн. Бид бүх боломжит хөрөнгө оруулагч, тэдгээрийн саналыг үнэлж дүгнэн, аливаа шийдвэрийг цаг тухайд нь мэдээлж байх болно” хэмээн компанийн хэвлэлийн төлөөлөгч хэллээ.

Бараг 200 жилийн түүхтэй Savoy зочид буудал одоогоор их засвар хийхээр хаалга барьсан байгаа бөгөөд 2024 онд эргэн нээгдэнэ. Албан бус мэдээллээр тус зочид буудал 400 гаруй сая ам.долларын эхлэл үнэ хэлэх аж.

Credit Suisse 2021 оны гуравдугаар сард үл хөдлөх хөрөнгийн салбар компани болох Archegos-ийн дампуурлыг зарлан 5 тэрбум ам.долларын алдагдал хүлээснээс хойш хувьцаа эргүүлэн худалдаж авахаа зогсоон, ногдол ашиг тараалтаа танаж, менежментийг шинэчлэн, хөрөнгө босгох арга зам эрэлхийлж байгаа юм.

Эх сурвалж: Reuters