Twitter-ийг худалдан авах эсэх асуудлаар гурван сарын турш үргэлжилж буй шүүх хурлыг Илон Маск энэ сард багтаан эцэслэхийг хүсжээ. Улмаар анх тохирсон үнээр худалдаж авахыг зөвшөөрсөн санал хүргүүлсэн юм. Гэвч түүнийг олон дахин эргэж буцаж буйд Twitter ундууцсан бололтой.

Энэ удаа Twitter Илон Маскийн саналаас татгалзлаа. Учир нь “Түүнд итгэхгүй байна. Шүүхийн үйл явцыг сунжруулах гэсэн заль байж болзошгүй” хэмээн мэдэгдсэн юм. Харин Илон Маскийн өмгөөлөгч “Twitter маргааныг үргэлжлүүлэхийг шаардсанаар компани нэгтгэлийн ажиллагааг эрсдэлд оруулж, хувьцаа эзэмшигчдийнхээ эрх ашгаар мөрий тавьж байна” гэв. Шүүх тэднийг тохиролцоонд хүрч магадгүй хэмээн үзэж хурлын товыг аравдугаар сарын 28 хүртэл хойшлууллаа.

Маск дөрөвдүгээр сард Twitter-ийн нэгж хувьцааг 54.20 ам.доллароор тооцон худалдан авах санал тавьсан. Гэвч саналаасаа буцсан тул Twitter Маскийг худалдан авалтын гэрээнд заасан үүргээ биелүүлэхийг шаардан долоодугаар сард шүүхэд хандсан билээ.

Эх сурвалж: BBC