Амазон компани жилийн хамгийн ачаалалтай улиралд бэлтгэн гэрээт, бүтэн болон хагас цагийн нийт 150,000 орон тоонд шинээр ажилтан авах болжээ.
Энэ талаар тэд пүрэв гарагт мэдэгдсэн бөгөөд Ассошэйтэд Пресс агентлагаас дүгнэж байгаагаар Амазон харьцангуй шинэлэг арга барилаар ажиллаж байна гэсэн юм.
Амазоны хувьд сүнсний баяр, талархалын баяр, зул сар, шинэ жилийн үеэр ачаалал нь эрс нэмэгддэг тул улирлын чанартай ажил олгодог билээ. Тийнхүү тэд өмнө жил мөн 150,000 хүнийг шинээр ажилд аван ажиллуулж байжээ.
Шинээр ажилд орогсдын хувьд цагт дунджаар 19 ам.долларын хөлстэй ажиллах бөгөөд цалин хөлсний хэмжээ ажилтны аль мужид, ямар албан тушаалд ажиллаж байгаагаас үүдэн хэлбэлзэх гэнэ. Түүнчлэн Амазоны зүгээс цалин хөлс олгох тогтолцоондоо өөрчлөлт оруулж, цалинг хоёроос илүү давтамжтай олгож болох нөхцөлийг бүрдүүлэх болжээ.
Эх сурвалж: AP News