Пүрэв гарагт Шведийн радиогоос мэдээлснээр Норд Стрим шугамын хоолойд гарсан гэмтэл Балтын тэнгисийн усан дээгүүрх агаарыг маш ихээр бохирдуулж, агаарт агуулагдах метаны хэмжээ зохих хэмжээнээс даруй нэг мянга дахин их байна гэжээ.
Тэдний уламжилснаар агаарын чанарын шалгалтыг Шведийн Скагерак судалгааны хөлгөөс хийсэн бөгөөд ийм хэмжээний метан агаарт тархах нь байгаль орчинд ихээхэн хортой юм.
Судалгааны хөлгийн хувьд хий алдсан хэсгээс хэдэн далайн милийн зайд шалгалтаа хийсэн бөгөөд шалгалт дууссан хойно тэд Готеборг руу буцжээ.
Тийнхүү судалгааны багийн ахлах Катарина Абрахамссоны хэлснээр агаарт ийм хэмжээний метан агуулагдах нь далайн амьд биет, ургамалд шууд сөргөөр нөлөөлнө гэжээ.
Норд Стрим шугам өнгөрөгч долоо хоногийн даваа гарагт хий алдаж эхэлсэн бөгөөд өдгөө хий алдахаа зогсоосон ч метаны агууламж бүхий агаар далайн усыг бүрхэж байгаа билээ. Шинжээчдийн анхааруулснаар метан ихээр агуулсан агаар Нордикийн орнуудыг дайран өнгөрөх юм.
Эх сурвалж: ТАСС