Wall Street Journal сонины орон нутгийн цагаар 10-ны өдөр мэдээлснээр, эдийн засгийн уналтын нөлөө болон бусад хүчин зүйлсийн нөлөөгөөр хэрэглэгч, худалдан авагчдын хэрэглээний зардал нэмэгдэж байгаагийн улмаас дэлхийн зах зээл дэх компьютерийн нийлүүлэлт сүүлийн 20 жилийн хугацаан дахь хамгийн их хэмжээгээр буурсан байна.
Зах зээлийн судлагааны Gartner компанийн мэдээлснээр, энэ оны гуравдугаар улиралд дэлхий даяар компьютерийн нийлүүлэлт 68 сая ширхэг болсон нь өнгөрсөн оны мөн үеэс 19.5 хувиар буурсан үзүүлэлт болохыг онцлов.
Энэ нь сүүлийн 20 жилд тохиогоогүй хурдацтай буурсан үзүүлэлт бөгөөд өнгөрсөн оны мөн үед 84.5 сая компьютер зах зээлд нийлүүлэгдэж байжээ.
Зах зээлийн шинжээч Микако Китагава “Тээвэрлэлтийн түвшин дээд хэмжээндээ хүртэл буураад байна. Хэдийгээр нийлүүлэлтийн гинжин хэлхээний хямрал хамаагүй багассан ч хэрэглэгчид болон бизнес эрхлэгчид компьютер худалдаж авах эрэлт буурсантай холбоотой” хэмээн цохон тэмдэглэсэн байна.
Зах зээлийн судалгааны IDC компани мөн тайлбарлахдаа "Цар тахал дэгдсэнээс хойш алсын зайнаас ажиллах, суралцах хэрэгцээ нэмэгдэхийн хэрээр компьютерийн зах зээл асар өндөр өсөлтийг үзүүлсэн ч дахин ийм их хэмжээний эрэлт зах зээлд үүсэх нь бараг боломжгүй бөгөөд дэлхий даяар үүссэн инфляцын өсөлт хэрэглээний зардлыг хяналтгүй нэмэгдэхэд хүргэж байна” хэмээв.
Эх сурвалж: MBC