Лхагва гарагт Украины Агаарын Зэвсэгт хүчний хэвлэлийн албанаас мэдээлснээр тэдний анги нэгжүүд 18 минутын дотор Оросын 4 нисдэг тэргийг буудан унагасан гэжээ.
Тэдний мэдээлснээр, “Аравдугаар сарын 12-ны өглөөний 08:40-08:58 цагийн үед Агаарын Зэвсэгт хүчний анги нэгжүүд дайсны талын 4 нисдэг тэргийг буудан унагалаа. Урьдчилсан дүгнэлтээр нисдэг тэрэгнүүд нь Ка-52 загварын нисдэг тэрэг байсан бөгөөд дор хаяж 4 нисдэг тэргийг буудсан. Тэдний хувьд өмнөд фронтод эзлэгдсэн цэргүүдэд галаар дэмжлэг үзүүлэх үүрэгтэй зорчиж байсан” гэсэн байна.
Урьдчилсан мэдээллийн дагуу нисдэг тэрэгнүүдийн нэг нь Украины Оросын цэргүүдээс чөлөөлж авсан нутаг дэвсгэр дээр унасан бол бусад нь холбоо тогтоох боломжит бүсээс гадуур унасан юм.
Агаарын Зэвсэгт хүчнээс мэдэгдсэнээр тухайн хугацаанд тэд мөн 2 нисэг тэргийг оносон ажээ. Тиймээс Украины талаас унагасан нисдэг тэрэгний тоо дөрвөөс давж магадгүй гэсэн тооцоо байгаа гэнэ.
Эх сурвалж: Украинская Правда