ЛГБТ иргэдэд зайнаас эмнэлгийн тусламж үзүүлж, сэтгэл зүйн зөвлөгөө өгдөг FOLX Health компани өчигдөр B шатны санхүүжилт татах үйл ажиллагаагаа амжилттай зохион байгуулж 30 сая ам.доллар босгож чадлаа.

Тус компани нь даавар орлуулах эмчилгээ, ерөнхий болон бэлгийн эрүүл мэндийн үйлчилгээ санал болгодог бөгөөд долоо хоногийн өмнөөс эмч эсвэл шинжээчээр ахлуулсан тусламжийн бүлэг ажиллуулж мөн ганцаарчилсан зөвлөгөө өгч эхэлжээ. Одоогийн байдлаар 42 мужид 10,000 орчим хүнд тогтмол тусламж, үйлчилгээ үзүүлж байна. Шинэ санхүүжилтээрээ тусламжийн бүлгүүдээ өргөжүүлэх, Америкийн 50 мужид үйл ажиллагаагаа тэлэхээр төлөвлөсөн ажээ. Тус компани өнгөрсөн онд А шатны хөрөнгө босгох ажиллагаагаар 25 сая ам.доллар татсан билээ.

FOLX-ийн судалгаагаар тус төвөөр үйлчлүүлдэг иргэдийн 78 хувь нь тус компанийг олж мэдэхээс өмнө эрүүл мэндийн чиглэсэн тусламж авах боломжгүй байсан бөгөөд тэдний 71 хувь нь ялгаварлан гадуурхалтаас айсны улмаас энгийн эмнэлгээс зөвлөгөө авахаас эрс зайлсхийдэг гэж хэлжээ.

Эх сурвалж: TechCrunch