Орон нутгийн цагаар 12-ны өдөр CBC агентлагийн мэдээлснээр, Канад улсын зүгээс Оросын агаарын довтолгоонд өртсөөр байгаа Украинд 47 сая канад долларын зэвсэг нийлүүлэхээр болсон тухай онцолсон байна.
Канадын Батлан хамгаалахын сайд Анита Аннанд Бельгийн Брюссель хотноо болсон НАТО-гийн гишүүн орнуудын Батлан хамгаалахын сайд нарын уулзалтад оролцох үеэрээ энэхүү цэргийн дэмжлэг үзүүлэх төлөвлөгөөгөө зарласан болохыг CBC суваг мэдээлэв.
Тус улсын энэ удаагийн тусламжийн багцад гаубицын сум, нисгэгчгүй онгоцонд зориулсан тусгай камер, хиймэл дагуулын холбооны хэрэгсэл, өвлийн хувцас, гутал зэрэг багтсан байна.
“Канад улс Оросын хууль бус, үндэслэлгүй түрэмгийллээс өөрийгөө хамгаалахад нь Украинд тууштай тусалсаар байх болно. Улс эх орноо хамгаалан тэмцэж буй Украины армид шаардлагатай бүхий л тусламжийг үзүүлэхэд мөн бэлэн” гэдгээ сайд Аннанд энэхүү мэдэгдэлдээ дурджээ.
Эх сурвалж: MBC