Пүрэв гарагт АНУ-ын инфляцын түвшин тооцоолж байснаас илүү хурдан өсөж байгаа тухай мэдээ гарсан даруй баасан гарагт япон иений ам.доллартой харьцах ханш дахин унаж, сүүлийн 32 жилийн хугацаан дахь хамгийн сул үзүүлэлтэд хүрчээ.
Тодруулбал, баасан гарагийн өглөөний байдлаар нэг ам.долларыг 147.66 иенээр худалдан авах болсон байна.
Үйл явдлын хүрээнд Японы Сангийн сайд Сузуки Шуничигийн хэлснээр засгийн газрын зүгээс үндэснийхээ мөнгөн тэмдэгтийн ханшийг тогтворжуулахын тулд зохих арга хэмжээг авна гэсэн юм.
Шинжээчдийн анхааруулж байгаагаар Япон улс бодлогын хүүгээ АНУ-ын бодлогын хүүгээс бага хэмжээнд барих аваас иений ханш цаашид ч унах гэнэ.
АНУ-ын хувьд бараа бүтээгдэхүүний үнийн өсөлттэй тэмцэхээр бодлогын хүүгээ эрчимтэй өсгөж байгаа бол Япон улсын Төв банкнаас бодлогын хүүгээ тогтвортой барих бодлогыг хэрэгжүүлж, тус бодлогынхоо улмаас эдийн засгаараа ихээхэн хохирч байгаа билээ.
Эх сурвалж: BBC