Хятадын автомашины экспорт 2022 оны эхний есөн сард өмнөх оны мөн үетэй харьцуулахад 55.5 хувиар нэмэгдэн 2.11 сая ширхэгт хүрчээ. Зөвхөн есдүгээр сарын үзүүлэлтээс харахад, Хятадын автомашины экспорт 73.9 хувиар нэмэгдэн 301,000 давсан байна.

Тэдгээрийн олох нь суудлын автомашин бөгөөд дээрх хугацаанд 1.69 сая ширхэг суудлын автомашин экспортолсон нь нэг жилийн өмнөх мөн үеэс 60.1 хувиар өссөн үзүүлэлт хэмээн Хятадын автомашин үйлдвэрлэгчдийн холбооноос мэдээллээ. Харин ачаа болон зорчигч тээврийн автомашины экспорт 39.2 хувиар нэмэгдэн 422,000 ширхэг болсон. Шинэ эрчим хүчний автомашины экспортын хувьд 100 гаруй хувийн өсөлт үзүүлж энэ оны эхний есөн сард 389,000 ширхгийг гадаад зах зээлд борлуулжээ. Шинэ эрчим хүчний автомашин гэдэг нь Хятадын төрөөс татаас авах эрхтэй, бүрэн цахилгаан эсвэл хосолсон цахилгаан хөдөлгүүрт автомашиныг хэлдэг билээ.

Эх сурвалж: Xinhua