Хятадын Коммунист намын түүхт 20 дугаар их хурал аравдугаар сарын 16-ны өдрийн Ням гарагт нээлтээ хийлээ. Бээжин хотын Ардын их хурлын ордонд болж буй нээлтийн хуралд Ши Жиньпин, Ли Кэчян, Ли Жаньшу, Ху Жинтао нар оролцож байна.
БНХАУ-ын дарга Ши Жиньпин үг хэлэхдээ эрх баригчид нь ард түмэндээ итгэж буйг мэдэгдсэн юм. Ард түмэн Хятад улсаа технологи, аж үйлдвэрлэлийн хүчирхэг гүрэн болгоно хэмээн найдаж байна гэв. Тэрбээр “Бид шинэ төрлийн аж үйлдвэржилтийг хэрэгжүүлж, илүү хурданаар улам хүчирхэг гүрэн болохын төлөө ажиллаж байна. Тэр дундаа сансар, тээвэр, сүлжээний болон дижитал технологийн салбарт бидэнд боломж өндөр бий” хэмээн ярилаа. Мөн олон улс хүнсний асуудалд багагүй анхаарч байна. Бээжингийн хувьд хүнсний аюулгүй байдлыг дэмжсэн хүчирхэг бааз бий болгохыг эрмэлзэж байна гэсэн юм.
Тэрчлэн, Тайванийн асуудалд "гаднын хүч хөндлөнгөөс оролцсон" тохиолдолд Хятад улс шаардлагатай бүх эсрэг арга хэмжээг авах хэвээр байх болно. Энэ тухай Ши Жиньпинийн нээлтийн үгэнд олон удаа дурдагдлаа.
Нээлтийн үеийн гэрэл зургуудаас сонирхуулъя.
Эх сурвалж: Xinhua, Тасс