Ням гарагт Украины Хөдөө аж ахуйн сайд Николай Сольскийгийн мэдэгдсэнээр тус улс эн өвөл улаан буудай тариалалтаа 20 хувиар, арвай тариалалтаа 30 орчим хувиар танах болсон гэжээ.

Түүний хэлснээр Киевээр удирдуулж буй бүсүүдэд тариаланчид өмнөх жилийнхтэй харьцуулахад бага талбайд тариалан эрхлэх гэнэ.

Энэ талаар тэрээр Украины Страна мэдээллийн сувагт өгсөн ярилцлагадаа дурдсан байна. Николай Сольскийн өгүүлснээр, “Тариаланчид 4 сая гектар газарт улаан буудай тариалах хүсэлтэй байгаа. Энэ нь өнгөрсөн жилийн тариалантай харьцуулахад 1 сая гектараар бага талбай юм. Тодруулбал, тариалалт энэ жил 20 гаруй хувиар буурна гэсэн үг.

Харин арвайн хувьд өнгөрсөн жилд 800,000 гектар талбайд тариалж байсан бол энэ онд хамгийн ихдээ 500,000 гектар талбайд тариалалт явуулна. Улмаар арвайн тариалалт дор хаяж 30 хувиар буурна гэсэн үг юм.

Тариалалт ийн буурч байгаа нь хэд хэдэн шалтгаантай. Үүнд дан ганц дайн нөлөөлөөгүй бөгөөд борлуулалтыг урьдчилан тооцох боломжгүй байдал, азотын бордоо болон тээвэр ложистикийн үнэ өссөн, цаг агаарын таагүй байдал зэрэг ч нөлөөлж байгаа.

Одоогийн байдлаар тариаланчид төлөвлөгөөнд багтаагүй сул талбайд юу тариалахаа шийдээгүй байна” гэжээ.

Эх сурвалж: ТАСС