Даваа гарагт ХБНГУ-ын үндэсний агаарын тээвэрлэгч Луфтханза компанийн охин компани болох Евровингсийн нисгэгчид 3 хоногийн хугацаатай ажил хаялт зарлажээ.
Энэ нь тус компанийн ажилчдын хувьд энэ сард зохион байгуулж буй хоёр дахь удаагийн ажил хаялт юм.
Үйл явдлын хүрээнд Евровингсээс мэдэгдсэнээр тэд даваа гарагт төлөвлөөд байсан 400 орчим нислэгийн 230 орчмыг нь үйлдэнэ гэсэн байна.
Дойчэ Пресс агентлагаас мэдээлж байгаагаар ажил хаялтад хамгийн их өртөж байгаа нь Дюссельдорфын нисэх буудал гэнэ. Улмаар тус нисэх буудал даваа гарагт Евровингсийн 171 нислэг хүлээн авах, үдэн гаргах төлөвлөгөөтэй байсан бол тэдгээрийн 102 нислэг нь цуцлагдсан байна.
Нисгэгчдийн ажил хаялт зарлаж буй шалтгаан нь тэд сард гүйцэтгэх нислэгийн цагийг бууруулж өгөхийг хүссэн юм. Гэвч Евровингсийн зүгээс тэдний хүсэлтийг хүлээн авахгүй боломжгүй гэдгээ мэдэгдсэн билээ.
Евровингс авиа-компанийн ажилчид хамгийн сүүлд, энэ сарын 6-ны өдөр 24 цагийн хугацаатай ажил хаялт зарлаж байсан юм.
Эх сурвалж: AP News