Хятадын үл хөдлөх хөрөнгийн cалбарын компаниудын бараг тал хувь нь олсон орлогоороо өрөө төлж чадахгүйд хүрч төлбөрийн чадваргүй болох магадлалтай байгааг Олон улсын валютын сан (ОУВС) анхаарууллаа.
ОУВС-гийн орон нутгийн цагаар 16-ны өдөр гаргасан "Дэлхийн санхүүгийн тогтвортой байдлын тайлан"-д дурдсанаар, хөрөнгийн хувьд Хятадын үл хөдлөх хөрөнгө үйлдвэрлэгчдийн 45 хувь нь ашиг орлогоороо өрөө төлж чадахгүй байх магадлал өндөр байгаа талаар цохон тэмдэглэсэн байна.
Энэхүү дүгнэлтийг ОУВС-гийн зүгээс хийсэн бөгөөд ялангуяа үл хөдлөх хөрөнгийн компаниудын 20 хувь нь зарагдаагүй орон сууц зэрэг бараа материалын үнэлгээгээ сүүлийн үеийн зах зээлийн үнээр дүйцүүлэхэд дампуурах магадлал өндөр байгааг онцгойлон дурджээ.
Тус улсад орон сууцны үнэ өнгөрсөн сарыг хүртэл 12 сар дараалан буураад байгаа ба Уолл Стрийтийн хөрөнгө оруулалтын Citigroup банкны өнгөрсөн сард дүгнэснээр Хятадын үл хөдлөх хөрөнгийн салбарын төрийн өмчит томоохон компаниуд болон хувийн компаниуд ч төлбөрийн чадваргүй болж дефолт зарлах эрсдэл ойрхон байгааг анхааруулж байсан билээ.
Эх сурвалж: SBS