АНУ-ын Хүнс, эмийн бүтээгдэхүүний удирдах газраас ALS буюу булчин хатангирших хатуурал өвчний эсрэг шинэ эмийн сайжруулсан хувилбарын туршилтыг дахин гурван сар сунгахаар шийдэв.
Biogen компанийн бүтээж буй Tofersen хэмээх тус эмийг удирдах газраас тусгайлсан яаралтай хувилбараар шалгаж байна. Biogen долоодугаар сард эмийг худалдаанд гаргах зөвшөөрөл хүссэн тул ирэх оны нэгдүгээр сар хүртэл шалгаж үзээд дүгнэлтээ хэлэх байв. Гэвч тус хугацааг туршилтаа эцэслэхэд хангалтгүй гэж үзсэн тул 2023 оны дөрөвдүгээр сарын 25 өдөр хүртэл хойшлууллаа. Компанийн зүгээс удирдах газрын шаардсан бүх мэдээллийг өгсөн хэмээн өгүүлж байна. Тус эм 2021 онд зөвшөөрөл хүсэн туршилтад орж байсан боловч эмийн шалгуурын сүүлчийн шатыг давж чадаагүй юм. Тухайн үед огцом муудаж буй ASL-ийн үед өвчтөнд хангалттай сайн үр дүн үзүүлэхгүй байна гэж үзсэнээр худалдаанд гаргахаас татгалзсан билээ. Улмаар Biogen эмээ сайжруулахын зэрэгцээ зааврыг өөрчлөн өвчний эрт шатанд удаан хугацааны турш үргэлжлүүлэн хэрэглэснээр үр дүнд хүрнэ гэж эн удаагийн туршилтад мэдүүлсэн байна.
ASL буюу өөрөөр Лю Гехригийн өвчин хэмээн нэрлэдэг тус эмгэгийн үед өвчтөний тархи, нугасны мэдрэлийн эс үхжин, булчин аажмаар ажиллагаагүй болсноор үхэлд хүргэдэг. Өвчин үүсэх шалтгаан одоо ч тодорхойгүй хэвээр байна.
Эх сурвалж: Reuters