Хятад улс энэ өвөл дотоодын хэрэгцээгээ хангахад хүрэлцэхүйц хэмжээний хий нөөцөлсөн эсэхдээ эргэлзэж эхэлжээ. Улмаар Европ болон Ази тивд байгалийн хий нийлүүлэхээ зогсоож байна.
Хятадын төрийн өмчит, байгалийн хий импортлогч компаниуд болох Sinopec, CNOOC, PetroChina нар Бээжингээс ирүүлсэн тушаалын дагуу байгалийн хийн борлуулалтаа зогсоосон бөгөөд одоо нөөцөө нэмж байна. Өмнө нь, Бээжин ковидын эсрэг хатуу бодлого хэрэгжүүлсний улмаас Хятадын эдийн засаг удааширч, хийн эрэлт буурсан байсан тул илүүдэл хийгээ Европ болон Азийн бусад бүсэд дахин борлуулж байв. Мөн Хятад улс Оросоос 50 хувийн хөнгөлөлттэй үнээр худалдаж авсан хэрэгцээгүй хийгээ бусад оронд нийлүүлсэн. Тухайлбал, зөвхөн наймдугаар сард Хятад улс 4 сая тонн хий дахин худалдсан бөгөөд Европын импортолсон нийт байгалийн хийн долоо орчим хувийг бүрдүүлсэн хэмээн Nikkei Asia тооцжээ. Нийлүүлэлтийг зогссон ч Европын ихэнх орон хийн агуулахуудаа бараг дүүргэсэн тул тус шийдвэр хүчтэй нөлөөлөхгүй гэв.
Эх сурвалж: Market Insider