Өнгөрөгч есдүгээр сард ОХУ-аас Европ руу байгалийн хий нийлүүлдэг Норд Стрим шугамын 4 хоолой нэг зэрэг гэмтсэн хачирхалтай хэрэг гарсан билээ. Тэгвэл мягмар гарагт Шведийн Экспрессен сониноос мэдээлснээр шугамд гарсан гэмтэл дор хаяж 50 метр урттай болохыг Норвегийн роботын компаниас олж тогтоожээ.
Данийн цагдаагийн албанаас таамаглаж байгаагаар “маш хүчтэй дэлбэрэлтийн улмаас” шугам дөрвөн хоолойдоо гэмтэл авсан бөгөөд одоогийн байдлаар дэлбэрэлтийг хэн үйлдсэн эсхүл юунаас үүдэлтэй дэлбэрэлт болсон болохыг тогтоогоогүй байгаа юм.
Үйл явдлын хүрээнд барууныхан ОХУ-ыг хэрэгт буруутгаж байгаа бол Кремлийн зүгээс үүнийг удаа дараа няцааж байгаа билээ.
Одоогийн байдлаар Швед, Дани, Герман улсууд хэргийг мөрдөн шалгах ажиллагаа явуулж байгаа бөгөөд ОХУ-ын зүгээс мөрдлөгийн ажиллагаанд гар бие оролцох хүсэлт тавьсан ч Дани, Шведийн зүгээс татгалзжээ.
Эх сурвалж: BBC
Amerik NATO l hiij chadna shuu de Ted l delbelsen dee