ОХУ Украинтай хойд талаараа хиллэдэг Беларусь улс руу 9000 цэрэг, олон зуун танк, хуягт машин илгээсэн байна.
Энэ тухай Беларусийн Батлан хамгаалах яамны Олон улсын харилцааны газрын дарга Валерий Лебенко өөрийн Твиттер хуудаснаа мэдэгдэв. Беларусь руу 9000 хүртэлх тооны цэрэг, 170 орчим танк, 200 хуягт машин, 100 мм ба түүнээс дээш диаметртэй 100 орчим галт зэвсэг, миномет илгээсэн болохыг Ребенко мөн дурджээ.
Беларусь улс нь Украины дайн дэгдсэн цагаас ОХУ-г дэмжиж ирсэн холбоотон нь бөгөөд өнгөрөгч 10-ны өдөр Беларусийн ерөнхийлөгч Александр Лукашенко хоёр орон бүс нутгийн цэргийн хамтын ажиллагааны талаар тохиролцоонд хүрсэн хэмээн мэдэгдэж байсан юм.
ОХУ-тай ийнхүү цэргийн эвсэл байгуулж буй нь батлан хамгаалах зорилготой гэж Беларусийн талаас мэдэгдсэн ч хоёр тал хамтран Украин руу довтлох вий гэсэн болгоомжлол олон улсад үүсээд байна.
Үүнтэй холбогдуулан ОХУ, Беларусь улсууд нь буудлагын болон агаарын довтолгооноос хамгаалах удирдлагат пуужингийн сургуулилт хийнэ гэж Оросын Интерфакс агентлаг мэдээлсэн юм. Тус мэдээнд дурдаснаар хоёр орны цэргийн ангиуд Беларусийн зүүн болон төв хэсэгт байрлах дөрвөн сургуулилалтын төвд байлдааны бэлтгэл хийх шийдвэрт хүрээд буй аж.
Эх сурвалж: YTN