Эстонийн Зурагт, Радио Нэвтрүүлгийн Үндэсний ERR сувгаас мэдээлснээр мягмар гарагт тус улсын засгийн газраас ОХУ-ыг “терроризмыг дэмжигч орон” хэмээн тунхаглажээ.
ERR сувгаас тодотгосноор тунхаглалыг засгийн газрын гишүүдийн дунд санал хураалт явуулсны дүнд эцэслэн баталсан бөгөөд санал хураалтын явцад тунхаглал засгийн газрын бүх гишүүдийн саналыг авсан байна. Улмаар 88 гишүүн 100 хувийн саналаар ОХУ-ыг терроризмыг дэмжигч орноор тунхаглахыг дэмжжээ.
Тунхаг бичигт дурдсанаар Эстонийн засгийн газраас ОХУ-ыг “террорист дэглэм”-тэй улс хэмээн тодорхойлж, “Европын энх тайванд заналхийлж буй гол аюул” хэмээсэн байна.
Түүнчлэн засгийн газар нь Вагнер Групп, Бүгд Найрамдах Донецк Ард улс, Бүгд Найрамдах Луганск Ард улсын зэвсэгт хүчнийг “террорист байгууллага” гэж тодорхойлжээ.
Гэвч ОХУ-ыг “терроризмыг дэмжигч орон” гэж тунхагласан улс дан ганц Эстони биш юм. Учир нь өнгөрөгч наймдугаар сарын 11-ний өдөр Латвийн засгийн газар ч ОХУ-ыг “терроризмыг дэмжигч орон” гэж тунхагласан байна.
Эх сурвалж: ТАСС