Их Британийн ерөнхий сайд Лиз Трасс үүрэгт ажлаа хүлээн авснаас хойш 45 хоногийн дараа буюу пүрэв гарагт огцрох хүсэлтээ өгснөөр тус улсын засгийн газрын гишүүд дараагийн ерөнхий сайдыг яаралтай томилох хэрэгтэй болсон билээ.
Тэгвэл ерөнхий сайдын суудалд санаархаж буй хүмүүсийн дунд ерөнхий сайд асан Борис Жонсон ч багтаж байгаа ажээ. Түүнтэй хамт ерөнхий сайдын суудалд нэр дэвшиж байгаа хүмүүсийн дунд одоогийн Сангийн сайд Риши Сунак болон Нийтийн танхимын удирдагч Пенни Мордаунт байгаа юм.
Борис Жонсоны хувьд өөрийн биеэр ерөнхий сайдад нэр дэвшинэ гэж хэлээгүй ч засгийн газар дахь түүний холбоотнуудын зүгээс дэмжлэг авахаар ажиллаж байгаа ажээ.
Ерөнхий сайдад нэр дэвшигчдийн нэрийг даваа гарагийн үдээс хойш гэхэд хурааж дуусах юм. Харин нэр дэвшигчид Торигийн гишүүдийн дор хаяж 100 саналыг авснаар нэр дэвших эрх нь нээгдэх ажээ. Энэ нь юу гэсэн үг вэ гэвэл ерөнхий сайдад хамгийн ихдээ 3 хүн л нэр дэвших боломжтой гэнэ. Улмаар шинэ ерөнхий сайдыг энэ сарын 28-ны өдөр томилох товтой байгаа юм.
Эх сурвалж: AP News