Ням гарагийн орой BBC агентлагаас мэдээлснээр Оросын байлдааны онгоц Сибирийн өмнөд бүс дэх суурьшлын бүсэд унажээ. Энэ талаар тус бүсийг хариуцсан холбогдох албаныхан мэдэгдсэн байна.
Иркутск хотын захирагч Игорь Кобзевийн Телеграм хуудаснаа нийтэлснээр Сухой Су-30 байлдааны онгоц хоёр давхар байшингийн дээр унасан гэнэ. Түүний хэлснээр захирагч өөрийн биеэр ослын газар очсон бөгөөд оршин суугчдаас гэмтэж бэртсэн хүн нэг үгүй ч онгоцыг жолоодож явсан нисгэгчид хоёул амиа алдсан хэмээжээ.
ОХУ-ын Онцгой байдлын яамнаас мэдэгдсэнээр тус онгоц туршилтын нислэг үйлдэж байхдаа осолдсон гэсэн байна.
Энэ нь сүүлийн зургаан хоногийн дотор гарсан хоёр дахь осол юм. Өнгөрөгч даваа гарагт Сухой Су-30 загварын байлдааны онгоц Украинтай ойролцоо оршдог Йейск хот дахь орон сууцны барилга дээр унаж, дор хаяж 15 хүн амиа алдсан байна.
Эх сурвалж: BBC