Royal Caribbean International усан аяллын компани Icon of the Seas хэмээн нэрлэсэн хөлөг онгоцоо 2024 онд далайд гарахаар төлөвлөж байна.

Тус мега хөлөг 365 метр урттай бөгөөд 7,600 зочин хүлээн авч үйлчлэх хүчин чадалтай юм. Дотроо найман төрлийн сэдэвчилсэн парк, хиймэл давлагаа үүсгэгчтэй бяцхан "далай", долоон төрлийн усан бассейн, үлэмж том хүрхрээ, төрөл бүрийн усан парк, мөсөн үзүүлбэр багтсан ажээ. Тус хөлгийн зарим дүрслэл зургаас сонирхуулъя.

Дэлхийн хамгийн том аяллын хөлөг онгоц:

Royal Caribbean компани тус хөлөг онгоцоо хөлөг дээрх дэлхийн хамгийн том усан парк болгон тохижуулахын зэрэгцээ гэр бүлд ээлтэй амралтын газар болгон төлөвлөжээ.

Нийт 20 давхартай “Icon of the Seas” хөлгийн бүтээн байгуулалт 2021 онд эхэлсэн бөгөөд 2024 оны нэгдүгээр сард үйлчилгээнд гарна.

Бүх насны хүмүүс, тэр дундаа хүүхдүүдэд ээлтэй орчим бүрдүүлсэн, тун өнгөлөг хөлөг ажээ.

Royal Caribbean компанийн Wonder of the Seas хөлөг 362 метр урттай. Харин “con of the Seas үүнээс ердөө гурван метрээр урт байна.

Хөлөг онгоц дээрх дэлхийн хамгийн том усан гулгуур энд бий.

Мөн 47 метр өндрөөс далай руу олстой үсрэлт хийж болно.

Хөлөг онгоц дээр 40 гаруй зоогийн газар, уушийн газартай бөгөөд зочлох үйлчилгээнд 2,350 ажилтан үүрэг гүйцэтгэнэ. Удахгүй Майамигаас Карибын тэнгис хүртэлх долоон шөнийн аяллын захиалгыг нээх гэж байна.

Эх сурвалж: Business Insider