Филиппин улсын нэгэн коллеж оюутнуудыг нэгнээсээ хуулахаас сэргийлж, хачирхалтай малгайнуудыг өмсүүлжээ.

Легазпи хот дахь тус коллеж оюутнууддаа шалгалтад ирэхээс өмнө нэгэн хүсэлт тавьсан нь бусад оюутны шалгалтын материал руу харахаас сэргийлэх толгойн ямар нэг өмсгөл өмсөх байсан юм. Улмаар оюутнууд картон цаас, өндөгний хайрцаг болон бусад дахин боловсруулалтад оруулсан материалаар толгойн өмсгөл хийн ирж, шалгалтаа өгчээ.

Шалгалтыг авсан багшийн зүгээс BBC агентлагт тайлбарласнаар тэр ангидаа “үнэнч шударга, ил тод” байдлыг дэлгэрүүлэх хөгжилтэй аргыг хайж байсан тул ийм санаа олсон гэсэн юм.

Тийнхүү профессор Мандане-Ортиз оюутнуудынхаа шалгалт өгч байгаа зургийг цахим орчинд нийтэлснээр олны анхаарлыг татах болжээ.

Түүний хэлснээр энэ жил оюутнууд хуулж харагдаагүй бөгөөд ихэнх нь шалгалтаа хугацаанаас өмнө хийж дуусгасан гэнэ.

Эх сурвалж: BBC