Францад мөнгө угаасан, татварын луйврын хэргээр шалгагдаж байсан Швейцарийн хөрөнгө оруулалтын Credit Suisse банк 238 сая евро төлөхөөр тус улсын прокурортой тохиролцсон байна.
Орон нутгийн цагаар 24-ний өдөр AP болон Reuters агентлагийн мэдээлснээр Credit Suisse банкны зүгээс Францын засгийн газарт 123 сая еврогийн торгууль болон 115 сая еврогийн хүү төлж хохирлыг барагдуулахаар болсныг онцолжээ.
Credit Suisse банк нь 2005-2012 оны хооронд гадны хэд хэдэн орны үйлчлүүлэгчдэд үл хөдлөх хөрөнгийн татвараас зайлсхийхэд нь тусалснаар Францын засгийн газарт 100 сая еврогийн санхүүгийн хохирол учруулсан болохыг Францын прокурорууд олж тогтоосны дараа 2016 онд мөрдөн байцаалтын ажиллагааг эхлүүлсэн билээ.
Шүүхээс баталсан гэрээний дагуу прокурорууд мөрдөн байцаалтын үеэр Францын 5000 иргэний Credit Suisse банкин дахь дансанд 2 тэрбум еврогийн оффшор хөрөнгө байгааг тогтоосон гэж France Press агентлаг мэдээлэв.
Эх сурвалж: YTN