Реппер Кание Уэст спорт хувцас, хэрэглэл, гутлын Adidas брэндтэй хамтран Adidas the Yeezy гэх хамтралыг гаргасан билээ.
Тэгвэл сүүлийн үед реппер Кание Уэст еврейчүүдийг эсэргүүцсэн байр суурь бүхий пост олноор нийтлэх болсноор түүнтэй бизнесийн холбоотой байгууллагууд түүнээс холбоогоо таслах болсон юм. Улмаар Инстаграм, Твиттер зэрэг олон нийтийн сүлжээнүүд ч түүнийг хаяг руугаа нэвтрэхийг хориглосон байна.
Мөн Кание Уэстийн харьяалагддаг байсан CAA агентлаг ч түүнтэй гэрээгээ цуцалсан бол өдгөө change.org веб хуудас дээр түүнийг эсэргүүцэх хүмүүс Adidas компанийг түүнтэй хамтрахаа болихыг шаардах болжээ.
Кание Уэст өнгөрөгч 15-ны өдөр Drink Champs подкаст нэвтрүүлэгт оролцохдоо, “Adidas болон миний хувьд гэвэл би еврейчүүдийг эсэргүүцсэн юу ч хэлж болно. Гэлээ гээд тэд намайг хаяж чадахгүй. Тэгээд яах юм?” гэж хэлсэн нь олны эгдүүцлийг ихэд хүргэснээр ийм үр дүнд хүрсэн байна.
Эх сурвалж: UNILAD