Өмнөд Солонгосын Kia Corp компани Украйнд үргэлжилж буй дайны улмаас Орост тогтворгүй байдал нэмэгдэж буй тул үйлдвэрүүдээ бүрэн хааж магадгүй боллоо хэмээн өнөөдөр мэдэгдлээ.
Kia корпорацын гүйцэтгэх дэд ерөнхийлөгч Вү Жон Жү өнөөдөр компанийнхаа орлогын тайлан мэдээллийг өгөх үеэр дээрх мэдээллийг өгсөн юм. Тэрчлэн “Ирэх жил Орос улсад тогтворгүй байдал улам нэмэгдэх тул тус улсын автомашины зах зээл өөрөө хэсэг хугацаанд бүрэн зогсож магадгүй гэж би бодож байна. Тиймээс тус зах зээлд шинэ автомашин нийлүүлэх бус харин авто салбарын засвар, үйлчилгээний бизнес эрхлэх талаар бодох хэрэгтэй байх” хэмээн өгүүллээ.
Орос дахь Kia-гийн борлуулалт энэ онд 65 хувиар буурч 57,000 орчим автомашин нийлүүлжээ. Kia-гийн Санкт-Петербург дахь үйлдвэр нэг жилд 200,000 автомашин үйлдвэрлэх хүчин чадалтай бөгөөд 2,200 орчим ажилчинтай юм.
Эх сурвалж: Bloomberg
Оросоос эртхэн гарсан нь хожино