Дэлхий даяар өдөр бүр хоёр тэрбум орчим хэрэглэгчид үйлчилдэг WhatsApp аппликейшн ажиллахгүй байгаа тухай мэдээлэл өнөөдөр цахим орчинд тарлаа.
Meta-ийн эзэмшилд багтдаг тус аппликейшн нь Их Британи дахь хамгийн алдартай мессежийн платформуудын нэг юм. Мягмар гарагийн өглөө уг программыг ашиглахад бэрхшээл үүссэний улмаас 30 минутын дотор 12,000 хэрэглэгч гомдол ирүүлжээ. Meta-ийн хэвлэлийн төлөөлөгч “Зарим хэрэглэгчид бэрхшээл учирсанд уучлалт хүсье. WhatsApp-ийг хурдан сэргээхээр ажиллаж байна” гэв.
Интернет мониторингийн байгууллага NetBlocks-ийн мэдээлснээр тус саатал Их Британиас гадна Австрали, Украин зэрэг дэлхийн олон оронд үүссээр байна. Өнгөрсөн жил WhatsApp зургаан цагийн турш ажиллагаагүй болсон бөгөөд улмаар Facebook, Oculus, Instagram-д нөлөөлж байв. Тухай үед Facebook-ээс “тохиргооны өөрчлөлтөөс үүдэлтэй” саатал байлаа хэмээн мэдэгдсэн юм.
Эх сурвалж: BBC