Технологийн салбарыг тэргүүлэгчдийн нэг Microsoft болон Alphabet компаниудын 2022 оны гуравдугаар улирлын борлуулалт огцом буурчээ.
Тодруулбал, Google компанийн толгой компани болох Alphabet-ийн борлуулалт тухайн хугацаанд ердөө 6 хувиар өссөн бол Microsoft компанийн борлуулалт 11 хувиар өссөн байна.
Үүний шалтгаан нь дэлхий дахинаа эдийн засгийн нөхцөл хүндэрч, инфляц өсөж байгаагаас үүдэн байгууллагууд зар сурталчилгааны төсвөө танах болсон болон компьютер, технологийн бараа бүтээгдэхүүний эрэлт буурсантай холбоотой гэнэ.
Түүнчлэн ам.долларын ханш өссөнөөр Америкийн үндэстэн дамнасан компаниудын хувьд багагүй алдагдал хүлээж байгаа юм. Учир нь долларын ханшаас үүдэн бараа бүтээгдэхүүнүүд гадаадад үнэ илүү өндрөөр худалдаалагдаж байгаа ажээ.
Эх сурвалж: BBC