Хятадын газрын тос, байгалийн хий үйлдвэрлэгч төрийн компани PetroChina Гуандун мужид байрлах түүхий нефть боловсруулах томоохон үйлдвэрээ туршилтын журмаар ажиллуулж эхэллээ.

Жиэян хотод шинээр барьсан, нэг хоногт 400,000 баррель түүхий нефть боловсруулах хүчин чадалтай тус үйлдвэрийг 10 хоног ажиллуулж турших аж. Улмаар Лхагва гаргаас эхлэн нэг хоногт 200,000 баррель түүхий нефть боловсруулж байна. Үүнээс гадна ус цэвэршүүлэх систем зэрэг бусад зургаан байгууламжийг зэрэг ажиллуулан үйлдвэрийг хүчин чадлынх нь 70 хувиар ажиллуулж туршиж эхэлжээ. Үүнд нэг жилд 1.2 сая тонн этилен үйлдвэрлэх үйлдвэр багтаж байна. Гуандун муж дахь 10 тэрбум ам.долларын өртөгтэй тус цогцолбор бол PetroChina-ийн Хятад дахь хамгийн том хөрөнгө оруулалт юм.

Түүнчлэн, PetroChina Хятад улс зүүн бүсийн Жиансү мужид нэг хоногт 320,000 баррель түүхий нефть боловсруулах хүчин чадалтай Shenghong Petrochemical хэмээх үйлдвэр барихаар төлөвлөсөн. Барилгын ажлыг албан ёсоор эхлүүлэх засгийн газрын зөвшөөрлийг хүлээж байгаа юм.

Эх сурвалж: Reuters