Хэвлэлийнхэн болон Твиттер компанид хувьцаа эзэмшигчийн хэлж байгаагаар тэрбумтан Илон Маск тус компанийг 44 тэрбум ам.доллароор худалдан авах ажлаа дуусжээ. Улмаар ноён Маск Твиттерийн шинэ эзэмшигч болсон байна.

Тийнхүү худалдан авалтын ажил эцэслэгдсэн даруй тэр Твиттерийн гүйцэтгэх захирал болон санхүү хариуцсан захирлыг халжээ. Америкийн хэвлэлүүдийн мэдээлж байгаагаар Твиттерийн гүйцэтгэх захирал Параг Агравал, санхүү хариуцсан захирал Нед Сегал нар өдгөө тус компанид ажиллахаа больсон гэнэ.

Илон Маскийн хэлснээр тэр Твиттерийг ямар нэг ашиг сонирхол харж аваагүй харин хүн төрөлхтөнд тус хүргэхийг хүссэн гэсэн юм.

Үйл явдлын хүрээнд тэр өөрийн Твиттер хаяг дээр “Chief Twit” буюу “Твиттерийн гол хүн” гэх утга бүхий текстийг оруулжээ.

Эх сурвалж: BBC