АНУ-ын ерөнхийлөгч Жо Байден ОХУ-ын ерөнхийлөгч Владимир Путины Украины дайнд цөмийн зэвсэг хэрэглэх бодолгүй байна гэсэн үгэнд эргэлзэж байгаагаа илэрхийлжээ.

Ерөнхийлөгч Байден орон нутгийн цагаар 27-ны өдөр News Nation телевизэд өгсөн ярилцлагадаа "Хэрэв тэр үнэхээр цөмийн зэвсэг хэрэглэх бодолгүй байгаа бол яагаад энэ талаар ярьсаар байгаа юм бэ?" хэмээн цохон тэмдэглэсэн байна.

“Путин энэ асуудалд хандаж байгаа байдал тун эргэлзээтэй, эрсдэлтэй байна. Хэрэв одоогийн нөхцөл байдлыг дуусгавар болгохыг хүсч байгаа бол Украиныг орхиход л болно шүү дээ” хэмээн дурджээ.

Тэрээр өмнө нь Цагаан ордонд болсон хэвлэлийн бага хурал дээр “хэрэв ОХУ ямар нэгэн хэлбэрээр цөмийн зэвсэг ашиглахад хүрвэл энэ нь сүйрэлд хүргэнэ” гэж анхааруулж байсан билээ.

Украинд дайн өдүүлснээсээ хойш ерөнхийлөгч Путин цөмийн зэвсгээ гайхуулахын зэрэгцээ цөмийн дайн болон дэлхийн III дайн гарах магадлалын талаар байнга дурдсаар ирсэн.

Эх сурвалж: MBC